Było to kupa lot nazod jak jo sie asioł społecznie w Radiu TOP u Kamila Durczoka, my wdycki beblali z Luckiem Czernym, to jest tyn chłop co napisoł "BABKA KLOZETOWO" No i tak fandzolymy przi zimnyj kawie, naroz Lucek sie pyto:
- Hanik, a coś dzisiej taki markotny?
No i zech niychcioł ale musioł pedziec co mie cisnie na wontrobie. Padom:
- Leca z rana do piekorza po żymły i plecionki do mojej Trudy, a tu widza jak z działeki w Rokietnicy leci zmarasony chłop, zyrko i zyrko ślypiom niy dowierzom a to pieronie Alojz Piontek, Rycza wołom Alojz Alojz kaj to maścis taki cał spocony. Alojz kuknoł na mnie markotnie, i zynoł Hanik niych to pieron szczeli złodzieje mi porwali tego kulawego królika i ślepego Kokota, kieby jo mioł ta Szpada Góniczo co mi łobiecocali w Kopalni "Pstrowski" to bym z niom wachowoł. I zas markotnie Alojz żyknoł widzis Hanik dzisiej w Polsce człowieka majom w dupie. Jak mie zasuło 23 marca 1971 roku w Kopalni "Rokietnica" siedym dni bes jedzynio i picio za kasztowany niy jedyn co mie niy ratowoł dostoł order.

Na drugi dzien mom telefon Hanik drapko sie zgośic do Związków Zawodowych Górnikow w Kopalni "Pstrowski" no i maszcze, a tam domnie z pysiem co jo za pierdoły gdom w Radiu"TOP " w Katowicach ło Alozie Piontku, dyrektor i kierownik katr suchali moje beblanie jak jechali w swojim aucie, no i za dwa dni Alojz Piontek dostoł Szpada Górniczo. I jom sie powiesioł na ścianie, w tym pokoju kaj bakoł dziennie 60-cygaryt a jom wdycki pucowoł i sie swiycioła jak psu j....a.

Autor: Hanik - Jan Majowski