|
- Pawełku szoruj pastom zombki,umyj sie i łoblyc ta modro piziama, tak zeby jak Dziadek przijdom mos być w łozku, bo my idymy na Andrzejki do Filharmonilubelski grajom "Wielka Opera Romantyczna".
- Mamo, przeca tata sie niy zno na Operze.
- To jest niy ważne, bele klaskac umi jak za Gierka. O, juz Dziadek dzwoni do drzwierzy.
- Dobry wieczor, widza ze moj urwis juz czeko w prykolu na bajka. Dzisiej Pawełku na dobranocka bydzie legenda o Ślonskim Skarbniku. Był na Ślonsku taki grof nazywoł sie Zabrzeski, bardzo niy dobrym był człowiekiem, wyzyskiwoł swojich robotnikow, a szporowane złoto srebro piendze skludzoł do srogi jaskini, mioł szwarno córka Barbara, umiała śpiewać a śpiewać.
- Dziadku, lepi jak Doda premierowi Tuskowi?
- Ty sie śpiku do polityki niy ftykej, łod tego jest Andrzej Lepper. No i ta Barbara widziała jak jej Ojciec znynco sie nad Ślonskiem-ludym, i go przeprowadzioła przez rzyka Brynica do Polski, i niy chconco kukli do srogi grotu, a tam były skarby grofa Zabrzeskigo, jak sie łotym dwiedzioł, za ros kozoł jej utnać głowa, jak to sie stało zodyn do dzisioj niy wiy wszystkie skarby zamiynioły sie wongiel i przersty,a som grof zamienioł sie w Skarbnika, i do dzisioj pokutuje pod ziemniom, żeby sie łoko wyrobić u Ponbocka, wdycki po mogo górnikom, i niy do im pszeklinać, A górnicy jego córka wzięli sie za patronka, potym jom awansowali na Święto Barbórka.
- Dziadku, a w Kopalni "Bogdanka" tys jest Skarbnik?
- Tego to jo niy wiem, szkoda zech sie niy spytoł senatora Ryszarda Bendera, jak jo go spotkoł na "Gełdzie starcin koło kościoła Nawrócenie św.Pawła, jak na palca liczył czy 21.X.2007 r. dostanie 168.651 głosow.
Hanik Jan Majowski |
