|
- Dziń dobry pani Gosiu, przyczom mi rolka czornych nici, musza mojemu ślimokowi knefle cofnać w mundurze galowym,niy poradzi sie dopionc, tyn bas mu łodstaje jak buda łod naszych psow, a idymy dzisioj na Barbórka.
- Jak tak to siednom pani Jana na stołek pryntko wom wosy ułoza gratis,wiecie jak to godajom "Frizerka frizerce ucha niy utnie". Dyć jo waszego widziała w mundurze na 55-lecie Radio Lublin, jak przepowiadoł pani Elzbiecie Kruk ze zostanie posłym VI kadencji to elegancko wyglondoł w tym mundurze. Jak tak żyrkom na waszego ślubnego to sie tak w duchu, myśla Oj Ponbocku kieby moj ślubny Wilk jot tak jak wasz to bym uszporowała a uszporowała. To wiela lot "Jy jedyn posiłek dziennie,by niy był syty ani godny przes 23.5 godziny"?
- Jak sie niy myla to nie całe 16 -lot, jak to sie stało sie pytocie pani Gosiu? Powiym wom jak mi to opowiadoł. Jak mieszkoł w Zabrzu to przilos z Barbórki 1991 rok na walony .no i połozył sie do prykola,no i nad ranym łodwiedzioła go Św Barbara, i mu pedziała Ej Hanys kej sie ty pierniku po prawisz, szabla czimała w lewej rynce, i mu pokozała niom ta droga co mo dreptać, po tym pokozała kielich,co go czimała w prawyj rynce, i żekła taki kielich możesz łykać ale niy piwa, wina, ani gorzołki, ino pokarm, no i moj ślubny wzion sie to do serca i drepce ścieszkom "Karma Kagiu." I niy może sie doczekać kej zas go odwiedzi i mu doradzi co mo zrobić zeby stracioł tyb brzuch.
- Może niy poradzi go znośc Św.Barborka bo teroz mieszko w Lubline? Pani Jano ani niy widać zeby wasz mioł 104 kilo, przi zwroście 181 ta woga sie traci, może wasz ślubny majom mał ruchow?
- Tego bym niy pedziała, miesionc tymu rozwios karom 30 ton piosku i stracioł 2 kilo.
Autor: Hanik Jan Majowski |
|
|
