|
- Pierzina kandego, Hanik. Jak jo sie raduja z tej Komisji Nadzwyczajny "Przyjazne Państwo", co sie wykluła na Wiejski w Warszawie, i to jeszcze moja gryfno maskotka Janusz Polikot bydzie jom pilotowoł, no naresćie filor lubelskich platfwusow bydzie panym, i zrobi porzondek ze ustawami co nos osmiyszajom w Europie i na świecie, fto to widzioł, piernika kandego, zeby tako ustawa z roku 1976 sie paradowała,co ponizo obywatela RP. Co godo ta ustawa sie pytos ty pisowski beblało? Ze trzeba sie do trzech dni zameldować, łod jutra momy granice do mola łotwarte, a my sie kulomy w ustawowym maraśie, nawet i Polskie Stowarzyszenie Racjnalistów som za mojem Januszkiem Polikotym.
- Teroz suchej co ci powiym, Platfwusowo damo. Po piyrwsze to co czimała twoja maskotka, w prawyj rynce tyn 21-palec, a w lewyj niy na bito spluwa jest dowodym ze mo pypcia na to co jo mom dziennie jak jestes wykompano. Po drugie to ze racjonaliści som za niym to niy wszystko, lepij niych zrobiom porzondek na swojem forum, bo kopali jednego robola, a boroczek był zablokowany, i niy poradzioł sie bronić.A po trzecie, dość fandzolynio, dretom na piwo.
- Za czekej musza sie jeszcze ciebie coś spytac? Hanik czymu moj Januszek jak godoł do mikrofonu Radio Lublin, co czimała pani redaktor Magda Grydniewska na Placu Litewskim 11.11.2007 r. to rynkoma macoł wszystkie kabze w mantlu?
- Jako czymu tak sie jeszcze głupie pytos, szukoł spluwy i puloka.
Autor: Hanik Jan Majowski |
|
|
