|
- Co ci sie stało Hanik w ta szłapa, kulos choćby mój budzik?
- Niych to pieron szczeli łostatnio jak żech był na posiedzyniu Narodowej Rady Kultury to koło kolumny Zygmunta wlecioł żech do mały dziury. Dobrze ,że niy było milicjanta, bo by myśloł, ze człowiek jest z rana pod gazym.
- Pieronie, to juz w Warszawie som szkody górnicze?
- Fto wiy czy tunel Trasy W-Z-niy robi swoje, łon mi wdycki przypomino przekop na naszej grubie. Nawet dobrze, że go majom bydom wiedzieć jak pod Ślonskiem wyglondo, w nocy i w dzień. A jak jim metro zrobiom to sie bydom dopiyro radwać, ale bydom i tacy co bydom chcieć łod naszego ministra górnictwa "Karta Górnika" a może i książeczki "G". Tak miyndzy nami ci powiym: niy chciołbym miyszkać w stolicy. Dwie-trzy noce ja ale niy wiyncyj. Niy ma jak u nos na Ślonsku - dusi, dusi, ale na swojem.
Autor: Hanik Jan Majowski
"Szpilki" 1984 rok |
|
|
