|
- Pierzina kandego Holdek, jeszcze pora godzin i zas bydzie waloła Wielka Orkiestra Świątecznej Pomocy, Choćby niy było juz grajom 16-lot. Ale tyn Jurek Owsiak mo końskie zdrowie, i tyn piernik sie niy starzeje.
- Ino boja sie Hajdla zeby nasz Jerzy XVI, latos niy stracioł pokory, bo juz idom szepty ze rosnom mu piorka. Nie bydzie" groł do końca świata i jedyn dzień dłużej"?
- Choćby mu piorka wyrosły tak i tak do nieba niy wyfurgnie, bo wozy tyla wela jo. Oj bydzie sie dzioło, zaros skocza na rynek i fciepna do puszki, za ciebie. Holdek sto złotycch styknie abo bydzie mało?
- Styknie, styknie noleży sie Jerzymu XVI. Pamiyntom jak jedyn poseł ze Ślonska chcioł na chama, kupic serce, ino ło jednym za pomnioł ze niy mioł serca do serca, som ludzie, co zyrkajom na Jerzego Owsiaka, jak byk na masarza. Wejśc choćby ta było srogo ordynator, choć ta pieronsko koza urodzioła sie w tym samym dniu co śp Jan Paweł II, niy czuła drugigo człowieka, a była doktorym do dzieci.
- Co zrobisz, może paniom Heleny zgłupiało Radio Maryja i TV Trwam?
Autor: Hanik Jan Majowski
styczeń 2008 |
