|
- I co wy na to powiycie somsiadko? Rzynskie śpiki, niy wpusiceli na uczelnia ucznia Jana Pawła II? To sie w głowie niy mieści, zeby do byłyj uczelni papieski, niy mok kuknoc i pora kartek pedzie Benedykt XVI? Przeca jest biskupem Rzymu, i nastympcom Świyntego Piotra, mało mo władza nad całem Kosciołem katolckiem i naszm w Piekarach Śląskich
- To majom racjo frał Kaczmarkowo choćby niy było to Benedykt XVI, nad Piekoroma furgoł i pozdrowioł prawicom, z helkoptera, swoje owieczki.
- Zas zaczynocie politykować, dyć jak Karol Wojtyła byli kardynałem to 12 razy dreptali po kalwari , a że im sie niy udało jak papież Jan Paweł II? I padocie ze to niy ino studenci go niy chciel ale i 67 profesorow ze La Sapienza, tyla dobrze ze nasi profesorowie majom wiyncyj oleju w głowie jak ci rzymcy, a tak na prowda ło co idzie?
- Skis jakigos Galileusza ta zwada i encykliki "Spe salvi".
- Przeca juz nasz paież Jan Paweł II przeprosioł za tego całego Galileusza, co jeszcze ci nudlowce chcom, to mi smierdzi włoskiem TKKŚ.
Autor: Hanik Jan Majowski
styczeń 2008 |
