|
- I jak cie sie podoba Jozek nasza polityka. My niy wanski, zeby nos klepnoć laciym w uchol, Jo ino godom jedno, z Amerykanoma czeba twardo,jak chcom zeby tarcza sie hustała w Polsce, to niy za frajer.
- Tyn sekretarz stanu Daniel Fried, sie prziznoł ze niy jest ekspertem wojskowym, i niy powiy nom co do polski jest lepsze Patrot 3 abo THAAD.
- To czymu zaros niy posłali chłopa z Pentagonu, ino pionte koło łod wozu, jo tam Hanik niy chca łobgadywac Jankiesow, ale jak zech widzioł tego całego Daniela Frieda, to zech sie tak w duchu pomyśloł, ze tyn chłop niy pasuje za sekretarza stanu, takigo państwa srogigo, a tak miyndznami ci powiym ze nasz farorzyczek by go niychcieli ani za kościelnego.
- Tak niy możesz beblać, pozory mylom, nasz szef MON Bogdan Klich, tys na gynerała niy wyglondo, a juz poradzi pedziec Czołym Żołnierze, czy chcymy abo niy muszymy z Amerykanami zrobić tako umowa jako majom Włochy i Turcja.
- Dobra a co bydzie jak ruse, pedzom "Niet"?
Autor: Hanik Jan Majowski
styczeń 2008 |
|
|
