|
- Dziyn dobry panie, Maslonka, mom dwos wielko prośba. Pomogom mi w pracy magisterski, na tymat SB. Tata godali ze wy byliście jeden z najepszych kapusiow?
- Niy kapusiow Ojgen, a szpicel, to jest srogo różnica. Dobra dośc kwolby, jaki tymat cie interesuje?
- Jak za kumuny działoało SB, jakie mieli dyktafony, i wiela zwerbwali bez partyjnych profesorow i księży.
- Widza ze bydzies umie pora godzin siedzioł. Zrobiemy tak, podzielym te pytania na pora dni pasuje ci Ojgen? Zaczna łod tege drugigo. Widzis tyn stary rompel, jest juz fest wyrombany, ale co łon nagroł, to niy jedyn nowoczesny dyktafon, niy nagro, i co ciekawe, w niem niy idzie tak szpyrac jak w takim co mo były minister sprawiedliwości Ziobry. Teros ci puszcza jak jo nagroł naszego farorzyczka? (...............) I co powiys?
- Pierzina kandego panie Maslonka, taki czysty głos, choćby nasz farorzyczek, godali za ścianom u pani Konarski.
- Oj oj oj synek, wiela tyn stary rompel profesorow, dzwigoł do gory. Jak sie pytos, zawołali my do SB takigo profesora i my mu puścieli to co bebloł przi kawie z innymi profesoroma, boroczek czerwony sie zrobioł i chcioł czy niy i musioł sie z nami komplować. A czy byłego premiera Buzka zech nagroł sie pytoś? Niy czeba go było som sie nagrywoł.
Autor: Hanik Jan Majowski
styczeń 2008 |
|
|
