- Pierzina kandego pani Hażbietko,co wy na to powiycie? Dyć ci co tańcujom koło naszego prezydenta, nynajom, abo na porno zyrkajom, cało polska wiedziała co sie stało z CASOM ino boroczek nasza głowa pańswa niy.

- Co zrobice, takich mo ludzi jaki sie wybroł Boże a co by to było, jakby jako rakieta ruskiem uciekła, i by furgała nad Warszawom, to by sie dowiedzioł łoniej jak nasi ,obroncy by juz jom na cześci sprzedowali na gełdzie starocin w Lublinie abo w Bytomiu, jak jo sie niy myla to tyn cały metrowy generał Roman Polko jest lichy jak ćwibak.

- Ale ze swojemi oczkoma łopuchnientymi,bron Boże jo niy mom na myśli ze łod gorzoły, moze synek jest chory,umioł pryntko łodbic pin-pok na MON, ze to łoni za mało dzwoniyli, fajnie pedzioł tyn cały 120 kilowy Michoł Kaminski, ze prezydent jest bardzo uczuciowy i niy chce robic afery.

- Taki miekie mo serce a niy polecioł,łobejrzec jak wyglondo CASA. Po tragedi, bardzo tys fajnie żykli abp. Józefa Życińskiego "Nad ciszom cmyntorza niy robi sie targowisak politycznego", to jest jedyn w polsce pastyrz co sie niy boji wrazic ki do mrowiski.

Autor: Hanik Jan Majowski
styczeń 2008