|
- Dita musza, pokwolić tego chudego kawoego cukiernika, jak jest tak jest ale Januszek mo racjo, jak pieron z tom żałobom, pado to jest szopka.
- Jak tym piernik, może porównywać żałoba do betlejki 24 grudnia?
- Pado ze jak zginyli dwa piloci. Stanisław Wigura i Francziszek Żwirko, to była w polsce prawdziwo, żałoba choć jom niy ogłoszono, kozdy co chcioł mioł jom w sercu, a niy pieronie, pokazowka, jo czuja ze i moj prezydent IV RP inaczy myśli, ino tyn 120 kilowy Kamiński, go bamonci, jak wczoraj zrobioł, tyla łostudy z ministrem z Radosławym Sikorskim. Pamyntom jak była srogo żałoba na Ślonsku w marcu 1971 rok, 10 górnikow łostali zasypani na śmierc 23.marca 1971 roku w ścianie 83 w Kopalni "Rokietnica" w Zabrzu, to ci ase co górników wyciogali, w ZDK w Mikulczyca, śpiywali" Bije Kuba do Jakuba, Jakub do Michała" grzołka piwko sie lało, golonkoma sie ciepali, tacy byli, na waloni, jak widzis Dita to juz za kumuny, była tako na oko żałoba.
- Tak zaś niy możesz godac, Dorek, przeca jak umar w marcu 1953 roku Józek Stalin to my beceli w szkole, i to zodyn nom niy kozoł.
- To jest prowda, beceli zeby im stołek niy sibli. A jo dostoł dwoja ze sprawowanio, bo za małe płaczki mi ciurkiem leciały.
Autor: Hanik Jan Majowski
styczeń 2008 |
