|
- Piernika kandego Hanik, wela razy ci mom godać, dzisioj momy Matki Bożej Gromnicki, i bydzie czeba zrobic ogien w kominku, a jeszcze ino dwa kible, momy hrostu,bier twoj wozyczek i mazej do lasu. Hanik słyszysz, pierzinski głucherloku, Boże za coś ty mnie skaroł, takigo głuchego chłopa ześ mi wybroł.
- Teros słuchej babo co ci powiym, a jak jeszcze roz zyknies zech jest głucherlok, to za kara ty bydzies po hrost dreptała. Na pewno ślubno Władysława Bartoszewskigo, tak niy buczała, jak tys ze jest głucherlokiem jak jo.
- Co ty niy godos to to Doktor honoris causa,tys jest głuchy? Choćby niy było to mu latoś piznie 86 świyczek. Hanik jestes pewny, ze tys jest taki głuchy jak tu?
-Sto procynt i jeszcze troszka. Jak sie skończyła ceremonia świecko na KUL-u, to te dreptały w sułtana poszli do biora ks. prof. Stanisława Wilka, je seblyc, i juz po cywilu maścieli do sali kaj czekoł kołoc, kawa, a czy i bombelki tego to niy wiem, a jo kukom kej wylezie Doktor honoris causa 2008.r. No i jak widza ze drepto, no to jo chup ku niemu, i godom. Panie profesorze tu majom łodymnie dwie knigi co zech napisoł Gwarom Ślonskom, w tej czerwony pisza ło więzniu z Auschwitz, co mioł numer 4427. Pieronie jak Bartoszewski niy ryknoł na cały KUL. Jaki? No to jo zaś godom 4427. I zas pironie głucherlok ryknoł do głucherloka. Dyć tyn nomer to jest MOJ. Wiym i besto łoniym pisza. Boroczek abp Józef Życiński, stoli, i słuchali jak dwa głucherloki, godajom do siebie po cichu.
Autor: Hanik Jan Majowski
luty 2008 |
