|
- Pani Konarsko, wasze wezwanie było w skrzynce na listy mojej.
- Co piernika, tyn nasz listonosz robi? A co bybyło jakby te wezwanie do sondu capnoł tyn co miyszko nad wami?
- To majom racjo, nasz sond, niy mo litości nad biydnymi ludzmi, zaros kara abo do paki na 3-miechy. Taki były prezydent Aleksander Kwaśniewski może sie niy stawić na sprawa i niy ma sprawyj jeszcze syndzie sie prziznoł bez bicio ze wezwanie posłali Kwaśniewskiemu, niy tam kaj miyszko?
- Co wy niy godocie, co zas narobioł tyn Olek ze po sonda sie musi smykac? Zygarek złoty ciupnoł na "ruchla"?
- Pedzioł ze "Wprost" jest ubeckom gazytom, ze Marek Król figurowoł w IPN jako agent SB, no i tyn Stanisław Janicki, co jest teros naczelnym, niby tyj ubecki gazytu, zrobioł sprawa, a te larmo sie zrobioło skis tego całego Marka Duchnala, co sie zrobioł fotka ze byłym prezydentem.
- Co wy niy godocie z tym co go 3-dni tymu wypuściyli z aresztu z Sieradzia. Boroczek taki chudy jak indyk dwa miesionce przed zabiciem, widzicie takich mioł kolegow w pałacu u prezydenta ze mu ani paczki niy posłali by wyglondoł na polskigo lobbysty.
Autor: Hanik Jan Majowski
luty 2008 |
|
|
