|
- Pierzina kandego Hanik jak mog BOR, biydnym pielęgniarkom, telefony zagłuszac, boroczki nic niy wiedziały osiym dni co sie dzieje za oknem premiera Jarosława Kaczyńskiego w "biołym miasteczku" a tyn cały szef BOR-u generał Marian Janicki sie kwoloł w Radiu Zet, ze to my.
- I bardzo dobrze, ze im zagłuszali, co chciały to miały, ty myślisz ze borowki niy wiedziały jakie miały drogie komurki pielęgniarki, co sie byczom koło kancylari premiera, nawet wiedzom wiela kosztowało te futerko co sie niy tak downo w niym asioła szefowo zwiazku zawodowego pięlęgniarek. Dorota Gardias. Jo ino jedne godom Truda, jak dreptajom biydoki zdobyc himalaje, to musza wiedziec ze niy jedyn może tam łostać na wieki w śniegu i bydzie mu śpiywoł Dalajlama "On mani padme hum". Jo kwola, to co zrobioł BOR, a czy legalnie czy niy, to jest małe piwo, a czy te biołe damy były tam legalnie?
- Pierzina kandego, a co ty tak na te biedne pielęgniarki, jedzies? A co bydzie Hanik jak sie okaze, ze w tym palce macoł była twoja maskotka minister sprawiedliwośći Zbigniew Ziobro?
- Co bydzie? Nic, tyla juz mo na sumieniu bele jakich pierdoł jedna wiyncy, jedna mniej. A zresztom powiy to był szpas.
Autor: Hanik Jan Majowski
luty 2008 |
|
|
