|
- Piernika kandego Ecik, co tak długo naszego deptały niy ma? Może zas go jaki łajza napasztuje, zeby mu doł na piwo. O ło wilku godka, a juz wilk dzwoni, do domofona. Juz łotwarte panie Klocek ino fortuch sie łobleca. Pierzina a co sie stało pani listonorko, ze wy za naszego listonorza dreptocie?
- Pon Selwa majom cało prawo rynka zdrachano, łod tyj pierzinski akcji policji "Widelec" zeby to pierzina kandego, jakie śpiki posywali widełki w kopertach do pocztowych skrzinek ale policja? Tyla dobrze ze taki akcja niy zrobiyli za kumuny milicja, bo musieli by widełki z łańcuchoma wciepować do skrzynek. Dobra, to komy mom dać ta smarkato emerytura wom pani Klaro, abo waszymu Ecikowi?
- Nasz listonosz to wdycki mie dowoł, bo zawsze łodemie dostoł 5 złoty na piwku, a łod Ecika dostowoł muka.
- Jak tak to wola wom dać jego górniczo emerytóra. pierzina a jo myślała pani Klaro ze mi docie ta koncówka z emerytury, bo chciałam sie kupic takie rajtuze czerwone-buraczkowe jakie miała wczoraj Monika Olejnik w "Kropce nad i" no trudno. Czuja pani Klaro, ze i my niy długo bydymy robić akcja "widełk" ino fto nom bydzie te listy wybiyroł?
Autor: Hanik Jan Majowski |
