|
- No narescie, mom Hanicku ministra Obrony Narodowej jak świyca, a niy taki jaki był z SLD abo z PiS-u?
- I co z tego Cila? Jak boroczek niy wiy jak wyglondo PM, jo ino godom jedno, na takie stanowisku, musi być gynerał, co wiy jak sie zawijo fzlapy na szłapach, a niy wypudrowany lasus,dyć tyn chuderlok, 48-letni niy mo zielonego pojencio ło wojsku, jak ponoć niy wiy wiela wojokow jest w naszej armii, i wiela momy okryntow podwodnych?
- I co takigo bele wiy, ze taki okrynt podwodny idzie bez rolnetki rozpoznac łod śp."Batorego", a zresztom na nauka Haniczku niy jest za niyskoro, jak to wdycki moja starka godali.
- Jak za bajtla synek, sie niy bawi w wojsko, abo niy leje z ołowiu wojokow, to z takigo chłopa wojok niy bydzie, a to ze zamówioł 600 sztuk enceklopedi, do wojska, histori wojen i bitew, niy znaczy ze wiy ftorom rynkom sie salutuje.
- Pierzina Hanik, tego zech niy wiedziała ze jednom rynkom sie salutuje? Jo myslałe, jak był ministrem Obrony, Szmajdziński z SLD to lewom, a jak jest Klich z PO prawom, łobioma jak był Aleksander Szczygło z PiS-u.
Autor: Hanik Jan Majowski |
