|
- Hanik, jest to prowda ze tyn krzyż w Parku jest historyczny?
- Tak jest aniołku, tyn krzyż sie paradzi w Parku miyndzy ul. G.Zapolskiej a Gogolinskom. Czymu jo dreptoł zeby tyn krzyż wyremontowali sie pytos? Bo na nim jest rok 1906,no i moja mama kukła w tym roku na świat, a to ze jo ciupnoł różaniec 59 paciorkoma na 108 to jest małe piwo. Piyrwy tam był cmyntorz św. Barbary. Widzis, 0niyjaki Saulich kupioł ziemia w Mikulczycach, tam tak jak sie teros paradzizi ulica Mickiewicza, no i chcioł tyn cały Saulich postawic lałba,i doł sie do kopanio grontow.Kopie i kopie a tu naros, buch jakis głuchy głos, jak kilofym szczeloł. W cos twardego, no to Saulich drapko za łopata i zaczon fedrowac, a tu patrzi, w dole, cos lezy,żyrko, a to zarościały hełm, szabla, tarcza,d źida niy dżida, a na samym dole leżały czaski i kości, jak sie potym okazało tu piyrwy na tym miescu była "Kapliczka Tatarow". Zaroz polecioł Saulich po farorzyczka, a farorzyczek jak farorzczek, byli fes uduchwioni, no i kozali te kości i czaski pomału zakludzic na cmyntrz św. Barbaryno i zeby ludzie w Europie wiedzieli że Mikulczyce jest osadom tolerancyjnom kozali postawic tyn krzyż i dzieki tymu ludzie mogom tam świcka za świycić.
- Pierzina kandego, Hanik, co tu w Mikulczycach Turki robiyli?
- Tatarzi juz byli w Mikulczycach trzi razy 1241, 1259 i 1474, boja sie Truda, zeby zas te pieronskie łapiduchy niy kukli. Jako czymu tak sie jezcze głupie pytos, chyba niy chcesz zeby zaś Ratusz ciupli na porodowka.
Autor: Hanik Jan Majowski
marzec 2008 |
